الأسرار الغامضه للأغانى

هناك بعض الاغاني الغامضة التي لم اجد لها معني قبلا ً
و لكن بعد انكشاف كل شئ بعد الثورة تم كشف ملفات امن الدوله التي وضحت لنا ما شئ
حيث ان كل الاغاني الغامضة كانت رسائل خفيه تتداول بين من يفهموها و هذة هو تفسير حصري لها جميعاً

حيث قال تامر حسني علي لسان اول من ترشحوا للرئاسه
( انا مش هخاف المرة دة ضاع من عمري سنين في الخوف مش هاكون انسان عادي انا هتحدي اي ظروف)
فما كان من الحكومة الا ان يردوا باغنية قديمة و هي
( يا عيني يا عيني يا عيني ع الولد )
فرد عليهم عمرو دياب علي لسان نفس المرشح
) يهمك في اية اموت ولا اعيش دة كلام مالكش تسالني فيه)
و لكن الحكومة قامت بشراء تامر حسني وقتها ليغير كلامه و تحدث بلسان الدوله الي المرشح الاخر حيث تحدثت عن انجازاتها و قالت
( لو كنت نسيت افكرك حبيبي (
فكان الرد عندما اعرب عمرو دياب عن رايه في الحزب الوطني في اغنية
(كلهم بيقولوا كدة في الاول و الكلام الحلو بيتحول (
ولان هناك العديد من المؤيدين للمرشح الاخر كانوا يوما ما من الحزب الوطني فقالوا لهم علي لسان تامر
( هيدور ع الحنان والحب بتاع زمان ماهيلقي زيّنا مهما يروح او يغيب برضه حضن الغريب مش زي حضننا(

ثم يقدم اعتزاره الشديد الي يوسف بطرس غالي حيث يقول
( بتغيب و انت اللي علي بالي و ان كنت مش غالي يبقي مفيش غاليين)
فيرد عليه لتاكيد الاعجاب بالشخصية و بطريقة ماكرة توضح اجلاله لوزير الداخليه ايضا و هي حركه لا تصدر الا من عمرو دياب
(انت ال(غالي) يا (حبيب)ي و الليلة انا قلبي اختار)

و لكن قيام الثورة غير العديد من وجهات النظر
فبعد ظهور حبيب العادلي علي حقيقته صدرت اغنية
(اة يا عيني يا ليل داللي قلت عليه (حبيب) ولا نال ولا طال ولا ليله كان قريب)

اما عن سبب قيام الثورة فكان في سوء في فهم لاغنية مدحت صالح
(دي لا باظت ولا خربت و لا جابت جاز لامؤاخذة دي عيشة ظريفة جدا)
و كانت القشة التي قسمت ظهر البعير في اغنية
( يتربي ف عزو حمادة عزو طول م علي الحجر ماما تهزه ... الناس يتغاظوا مايتغاظوا علي سنانهم جزوا ولا يهزه )
فتوقعوا انه يقصد بهذا تولي جمال مبارك للسلطه
فحاولت الحكومة وقتها عمل ترويج لاعمالها الجيدة
فكان الرد من رجل ذو مبدأ و هو احمد مكي في اعتراضة علي ادعائات الحكومة قائلاً
(جدعان طيبين و بقلب ابيض كبير ... كلمات غريبة عني مبسمعهاش كتير ؟! )

فقامت الثورة بالفعل و علي لسان الرئيس السابق كانت اغنية
( اعتذري للي هيجي بعدي خليه يسامحني اصل انا خدت كل حاجة في عهدي وشوفي عهدي كان كام سنه(

و عن تسال الافراد عن الاداء الاعلامي السئ من التليفزيون المصري في نقل احداث الثورة
فردوا مخاطبين الثورة
( الناس شايفينك بطريقة و انا لوحدي شايفك بطريقة ..) و هي مقوله صحيحة نوعاً ما
و عند هجوم تليفزيون الجزيرة علي التليفزيون المصري في اداءه
كان الرد
( هما مالهوم بينا يا ليل ؟ ليه شاغلهوم صوتنا اللي واخدنا
يحسدونا و ماله يا ليل اللي غيران منا يقلدنا )
و ظهر بعدها العديد من اللصوص المستترين
فبعد القبض علي بعضهم و عدم الهرب كان لسان حالهم يقول علي لسان فيروز
(متستغربش انا مبهربش كل الحكاية ان انا فكرت ... لقيتني وصلت لحل و قلت هيحصل اية لو استعبطت)
اما علي لسان من هربوا خارج البلد فان الرد
(كدة رضا كدة رضا مش عايز اكتر من كدة)
و عندما وضحت الكفه الرابحة قال تامر في اغنيته للاحزاب التي ابدت تعاطف مع الرئيس
)معقوله انتي اللي تشكري في جمالي و ف روحي و كمان حسني(
بعد ان كانت
(طبعاً لازم تشكري في (جمالي) و (علائي) و كمان( حسني) انتي اكيد في الحزب الوطني وطنييييي (!!!!!

اما عما يحدث من اضطرابات مع الجيش وضح الشعب عن مشاعره في اغنية
( جديد اللي انت بتقوله بجد طريقة مختلفة ... برافو عرفت تخدعني و خانني ذكائي معترفة )

و بالنظر الي كل ماحدث اصبح لسان حالنا جميعا يقول علي لسان اسماعيل ياسين
( ياللي مشوفتش خيبة تعالي تعالي اتفرج هنا علي خيبتي )

و بعد تفسير كل هذة المعاني العميقة الا اني لازلت عاجزاً عن تفسر اغنية من الاغنيات الا وهي

شهداء 25 يناير ماتو في احداث يناير ماتو و فارقوا الحياة و لا داعي للتعليق عليها !!!
بقلم : محجوب ابو عجوة

3la blog belmo5tasar
رد مع اقتباس